ഒരു തുള്ളി ചോര മണ്ണിൽ വീഴ്ത്തി
ചേറുണ്ടാക്കി നെറ്റിയിൽ പൂശി
 നീ മുമ്പേ നടന്നു
തിരിഞ്ഞു നോക്കല്ലേ എന്ന്
മനസ്സിൽ ആവർത്തിച്ചു പ്രാർത്ഥിച്ചു
ഞൊണ്ടി ഞൊണ്ടി ഞാൻ പുറകിൽ നടന്നു
പോകുന്ന വഴിയിൽ
ഒരു വലിയ ഗർത്തമുണ്ടാവും
അതിൽ നീ വീഴും
മനസ്സിൽ പറഞ്ഞു 
രക്ഷിക്കാനെന്ന വ്യാജേനെ
നമ്മുക്ക് ഭോഗിക്കാം
എവിടുന്നോ വെളിച്ചത്തിന്റെ ഒരു വെള്ള
ചുറ്റും കുറെ കല്ല്‌ കുഞ്ഞുങ്ങൾ
കറുത്തിരുണ്ട നിന്റെ മുഖം
മാത്രം കണ്ടില്ല
കുഞ്ഞുങ്ങൾക്കിടയിൽ കിടന്നു ഒരു
ഒരു വലിയ കല്പ്രതിമയായി മാറിയ
എന്റെ മരണം നാളുകൾക്കു
മുമ്പേ കഴിഞ്ഞിരുന്നു